अदर पूनावाला आर सी बी टीम विकत घेता ?? किंमत पळयात कितली आसा ती

नवी दिल्लीः सध्याचो आयपीएल चॅम्पियन आनी नामनेची सोरो कंपनी युनायटेड स्पिरिट लिमिटेड कंपनीची मालकी आशिल्ली आरसीबी फ्रॅंचायजी विक्री खातीर दवरल्या आनी वखदां कंपनी सीरम इन्स्टिट्यूटचे सीईओ आदर पूणवल्ला हांणी हो पंगड विकतें घेवपाची इत्सा दाखयल्या अशें खबरांपत्रांनी सांगलां. मजगतीं, पूनवल्लान सोशल मिडियाचेर शेअर केल्ल्या पोस्टांतल्यान आरसीबीचो पंगड विकपाची खबर आनीक पुष्टी जाल्या.

बिरेस्तारा पूनवल्लान एक्साचेर एक पोस्ट शेअर केलो, तातूंत ताणें म्हणलें, ‘योग्य मोलान आरसीबी हो एक बरो पंगड. हाचे वरवीं ताणें आरसीबीचे विक्री विशीं जिज्ञासा वाडयल्या. खबरां प्रमाण आरसीबी 2 अब्ज डॉलर (सुमार 17700 कोटी रुपया) इतल्या मोलान विकतले. विकलो जाल्यार क्रिकेटाच्या इतिहासांतलो सगळ्यांत चड मोलाचो पंगड विकलो असो विक्रम बरयतलो. आयपीएलचो आनीक एक पंगड लखनौ सुपर जायंटस विकलो त्या पांगडाची किंमत 7090 कोटी रुपया मेळ्ळे, जो आतां सध्याचो एक विक्रम आसा