अंकिता करमळकर या विद्यार्थिनीने वकिली परीक्षेत चांगल्या गुणांनी उत्तीर्ण झाल्याबद्दल जोयडा तालुक्यातून करण्यात येत आहे कौतुक.

रामनगर येथील विद्यार्थिनी अंकिता अनंत करमळकर हिने धारवाड येथील सिद्धाप्पा कांबळे कॉलेज येथे शिक्षण घेऊन या ठिकाणी दुसऱ्या क्रमांकावर उत्तीर्ण होऊन वकिली पदवी प्राप्त केल्याने जोयडा तालुक्यातून तिचे कौतुक करण्यात येत आहे. तर अंकिता हिने पाचवी पर्यंतचे शिक्षण खानापूर तालुक्यातील गोधोळी या गावात घेऊन त्यानंतर पुढे शिक्षण रामनगर येथे घेऊन उच्च शिक्षण धारवाड येथे घेतले. तर अत्यंत गरीब परिस्थितीत त्यातच लहानपणीच वडिलांचे छत नाहीसे झाले. त्यामुळे तिच्या आईने कष्ट करून शिक्षण देण्यास सुरुवात केली. तर त्यांची परिस्थिती पाहून अनमोड येथील समाजसेवक राजाराम नाईक यांनी पुढील शिक्षणासाठी तिला मोठी मदत केली. तर आता पुढील एपीपी कोर्स साठी बेंगलोर येथे जाणार असल्याचे यावेळी सांगण्यात आले,